حب في الباطنية - الفصل الأول

حب في الباطنية – الفصل الرابع

حب في الباطنية – صلاح زكي

 ثاني يوم بعد لقاء أحمد بسحر والاتفاق علي الخطوبة بينهم تذهب سحر الي كليتها ولكنها تسير شاردة علي غير عادتها

انتي فين يا بنتي أنا بنادي عليكي من فترة طويلة

تستيقظ سحر من شرودها علي صوت صديقتها وزميلتها ندي وهي تنادي عليها وتقول هذا الكلام .

سحر بابتسامة هادئة : ازيك يا ندي أنا آسفة مسمعتكيش

ندي : اسفة ايه اللي واخد عقلك

ثم تبتسم وتقول : الباشمهندس برده .

حب في الباطنية – صلاح زكي

فتنظر اليها سحر بخجل قائلة : انتي عارفة أنا مبفكرشي في اي حاجة غير الكلية والمذاكرة بس .

ندي : انتي عارفة أنا صديقتك الوحيدة وزميلتك من أيام ابتدائي وعارفاكي كويس وعارفة انك ميالة لجاركم المهندس احمد

فترد سحر بعد تفكير : مخبيش عليكي يا ندي انتي فعلا صديقة عمري وكل أسراري معاكي وأحب أعرفك أن أحمد فاتحني في الخطوبة وعاوز يتقدمللي بعد نهاية امتحانات السنة ده

ندي : كويس ألف مبروك مالك طب بتفكري في ايه .

فترد عليها سحر بحزن :انتي عارفة ظروفي خصوصا بعد وفاة امي وسيطرة سالم اخويا الكاملة علي البيت وعلي حياتي نفسها .

 ندي : انتي خايفة ممكن سالم يرفض جوازك من احمد

سحر : مستبعدش حاجة من ده وخصوصا سالم كل حياته وتفكيره في رجالة وشباب الباطنية بس واكيد هيحاول يجوزني واحد منهم علشان مصلحته معاهم .

ندي بخوف ودهشة : يا خراشي وده ممكن يحصل يا سحر انك تتجوزي مجرم من تجار المخدرات اللي عندكم

سحر : أنا مش عارفة ايه اللي ممكن يحصل ادعيللي يا ندي ربنا يرقق قلب سالم ويقبل بأحمد لما يتقدملي .

حب في الباطنية – صلاح زكي

ندي : ربنا يرقق قلبه .

سحر : أنا كل همي اني أخلص دراستي وساعتها ممكن أعتمد علي نفسي وسالم مش هيكون له ولا اي حد تاني سلطان عليه ساعتها.

ندي بمكر : يعني مفيش حد غيره ممكن يكون له سلطان عليكي ولا علي قلبك يعني.

سحر بحياء : بس يا بنت انتي متعرفيش تتكلمي بجد ابدا .

ندي صديقة سحر منذ الطفولة ولكنها تختلف عنها كثيرا في الطباع فندي منطلقة مرحة بطبيعتها متكلمة ومتفتحة عندها ثقة كبيرة في نفسها بعكس سحر الحجولة الهادئة التي لا تتكلم كثيرا وليس عندها تجارب في الحياة .

وبرغم الفارق الاجتماعي الكبير بين أسرة ندى وأسرة سحر الا أن ذلك لم يفرق بين الصديقتين رغم محاولة أهل ندي ابعادها عن سحر لخوفهم من بيئة سحر أن تؤثر علي اخلاقها ولكن بعد مقابلة أهل ندي مع سحر ومعاينة ادبها وأخلاقها لم يمانعوا من استمرار الصداقة بين البنتين

فأم ندي طبيبة الأسنان ووالدها الصيدلي لم يكن من السهل اقناعهم باستمرار الصداقة بين بنتهم وبين بنت أبوها واخوها تجار مخدرات ونشأت في وسط مثل هذا الوسط الذي نشات به سحر

تنطلق ندي مع سحر الي قاعة المحاضرات لحضور المحاضرة الأولي لأنها كانت علي وشك البدء.

 حب في الباطنية – صلاح زكي